Каспийде әскери теңізшілер жауынгерлік оқу-жаттығу өткізді

Каспийде әскери теңізшілер жауынгерлік оқу-жаттығу жиынын өткізді. Президент тапсырмасымен қазір әскерде тексеріс жүріп жатыр. Арнайы операция кезінде Каспий теңізінің қазақстандық аумағын күзету және қорғау әдісі тексерілді. Плацдармды басып алу және оқ жаудыру үшін тактикалық теңіз десанты жұмылдырылды. Тәжірибелік іс-қимылға «Қазақстан», «Орал», «Сарыарқа», «Маңғыстау» зымыран-артиллериялық корабльдері, «Алатау», «Жайық» кемелері қатысты.