Тараз қаласында 4 адамды көлік қағып кетті

Тараз қаласында жантүршігерлік жол-көлік апаты болып, екі адам қаза тапты. Тағы екі адам жансақтау бөліміне жеткізілді. Бейнебақылау камераларына қала көшелерінің бірінде жүйіткіген «Hyundai» маркалы автокөліктің қарсы бағытқа шығып кеткені түсіп қалған. Аялдамада тұрған төрт жаяу жүргіншіні қағып кете барған. Бірақ, көп ұзамай автокөлік жүргізушісі ұсталды. Ол 23 жастағы Тараз қаласының тұрғыны болып шықты. Қазір оның үстінен қылмыстық іс қозғалып, сотқа дейінгі тергеу амалдары басталды.