Басты Жаңалықтар Алматы облысында екі аптада 446 оқушы коронавирус жұқтырған

Алматы облысында екі аптада 446 оқушы коронавирус жұқтырған

14.09.2021 17:00

Алматы облысында екі аптада 446 оқушыдан коронавирус анықталды. 205 оқушы індетті жазғы демалыс кезінде жұқтырған. Ал 234 жағдай оқу жылы басталғанда ақ тіркелген. Қазір індет жұқтырған оқушылар оқшауланып, олар оқыған сыныптар карантинге жабылды. Барлығы 3 мыңға жуық оқушы қашықтан білім алуға мәжбүр. Жалпы өңір әлі қызыл аймақта. Облыста бір тәулікте 218 адамнан коронавирус анықталды.

Әлия Шағиахмет, облыстық санитарлық-эпидемиологиялық бақылау департаментінің ресми өкілі:
Қазіргі кезде 129 мектептің 229 сыныбы үй карантиніне жіберілген болатын. Оның ішінде 2866 оқушы дистанционды форматта оқуға жіберілді.

Қуаныш Қанатұлы

Автор

Қуаныш Қанатұлы

Бөлісу