«Мерейлі отбасы» байқауының лауреаттары марапатталды

«Мерейлі отбасы» ұлттық байқауының жеңімпаздары марапатталды. Мемлекеттік хатшы Қырымбек Көшербаев оларға Президенттің құттықтауын жеткізді. Конкурстың отбасы құндылығын нығайтудағы маңызына тоқталды. «Мерейлі отбасы» биыл жаңа тәсілмен өткізілді. Енді жыл сайын ел бойынша 17 үздік отбасы анықталады. Биыл 2700-ден аса өтінім түскен. Жеңімпаздарға Мемлекет басшысы атынан сыйлық табысталды.

Қырымбек Көшербаев, ҚР Мемлекеттік хатшысы:

Осы жылдар ішінде «Мерейлі отбасы» байқауына республика бойынша 18 мыңнан аса отбасы қатысты. Олардың әрқайсысы үздік отбасылық дәстүрлер мен ұстанымдардың үлгісіне айналды.