Жаңалықтарды Telegram арнамыздан оқыңыз!Оқу жылының басталуына орай полиция жасағы күшейтілген жұмысқа кірісті. Қоғамдық тәртіпті сақтап, апаттардың алдын алу үшін мектепке жақын жерлерге полицейлер қойылды. Оқушылардың қауіпсіздігін сақтау мақсатында жол бойына 46 жасанды кедергі орнатылған. Жыл басынан бері елордада көлік апатынан 47 бала зардап шегіп, бір бала қайтыс болған. Полиция департаменті 23 тамыздан бастап мектептерге профилактика шараларын жүргізді. 200-ден аса мектептің техникалық қауіпсіздігі тексерілді. Әсіресе бейнекамералардың бар-жоғын анықтады.
Мадияр Айтуғанов, Нұр-Сұлтан қаласы Есіл ауданы полиция басқармасының бастығы:
Бүгінгі таңда ешқандай білім беру орталығында қандай да болса, құқықбұзушылық фактілері анықталған жоқ. Мектеп аумағында люктар бар ма, электр шамдарының, жол жүру ережелерінің барлық жұмысын жасап өттік.
