Арыста мыңнан астам пойыз жолаушысына көмек көрсетілді

Жамбыл облысында орын алған төтенше жағдайға байланысты темір жол қатынасы да тоқтатылғаны белгілі. Осыған орай тоғыз жолдың торабы саналатын Арыс станциясында бірнеше сағат бойы аялдап қалған Ақтөбе-Алматы бағытындағы пойыздың 600ге тарта жолаушысына және Қызылорда-Көкшетау бағытындағы пойыздың 457 жолаушысына жан жақты көмек көрсетілді. Жергілікті әкімдік қызметкерлері мен станция қызметкерлері, сондай-ақ, жедел жәрдем станциясының арнайы бригадалары мен полицейлер ұйымдастыру жұмыстарына жұмылдырылды. Барлық жолаушыларға ас, су ұсынылып, қажеттіліктеріне қарай өзге де көмек көрсетілді. Шымкент қаласына жеткісі келген жолаушылар үшін жергілікті кәсіпкерлер тарапынан арнайы көліктер ұйымдастырылды.

Айнұр Ақбаева