Шымкенттегі этноауылда өрт шықты

Шымкенттегі этноауылда өрт шықты. Оқиға түнгі бірлер шамасында болды.

Қызыл жалынның салдарынан көлемі 80 шаршы метр бастырма және 8 шаршы метр қораның қамыс төбе жаппасы жанып кетті. Өрттің шығу себептері анықталып жатыр. Тілсіз жаудың бетін қайтаруға арнайы жасақтың 25 қызметкері мен 5 техникасы жұмылдырылды. Нысан млндаған қаражатқа салынған. Қазір шығын көлемі есептелуде.

Сондай-ақ, Атырау облысында 28 млн теңгеге салынған ойын алаңы өртеніп кетті. Нысанды демеушілер осыдан екі жыл бұрын тұрғызып берген. Оқиға Жылыой ауданына қарасты Жаңақаратон кентінде болды. Қазір 1500 шаршы метр аумаққа орнатылған ойын алаңынан түк қалмады. Ауыл әкімі қасақана өрт қойылуы мүмкін дейді. Тексеру басталды.

Жандос Темірғали