Жаңалықтарды Telegram арнамыздан оқыңыз!Ақтаудағы «Каспий» су тұщыту зауыты келер жылдың наурыз айында жаңартылып, іске қосылады. Қазір құрылыс-монтаждау жұмыстарының 30 пайызы аяқталып тұр. Өңірге іссапармен барған Мәжіліс депутаттары зауыт жұмысымен танысты. Қызметкерлермен кездесіп, республикалық бюджеттен бөлінген қаражаттың игерілу барысын талқылады. Мекеменің қуаттылығын арттыру жобасы толық аяқталса, зауыт тәулігіне 40 000 текше метр су өңдейтін болады. Қазір зауыт тәулігіне 23 мың текше метр суды тазартады. Тіршілік нәрінің 80 пайызы Мұнайлы, Құрық ауданы, Приозерный мен Приморский елді-мекендеріне беріледі. 20 пайызы теңіз жағасындағы мекемелерге жіберіледі. Жалпы, зауыт суын 200 мың адам тұтынып отыр.
