Қарағандыда алғашқы экоавтобус жолға шықты

Қарағандыда алғашқы экоавтобус жолға шықты. Енді бір ай бойы жолаушыларды тегін тасымалдамақ. Саран қаласындағы зауытта жиналған бұл қоғамдық көлік тек тоқпен жүреді, қоршаған ортаны ластамайды. Жылдамдығы сағатына 70 шақырым, - дейді жүргізуші. Ішіне шамамен 30-дан астам адам сияды. Ал толық қуатталған аккумуляторы 280 шақырымға жетеді. Әзірге сынақ түрінде жалғыз көлік жасалған. Егер автопарк тарапынан тапсырыс болса, кәсіпорын көп мөлшерде өндіруге дайын. Алайда бағасы 120 миллион теңге тұрады. Сондықтан бұл экологиялық жағынан тиімді болғанымен, жол ақысының өсуіне ықпал етуі мүмкін.

 Руслан Нұрланұлы