БҚО-да 250 тонна шөп өртеніп кетті

Батыс Қазақстан облысының Сырым ауданында бір шаруа қожалығының 250 тонна жинаған шөбі пен қоражайы өртеніп кетті. Таңғы 6-да басталған өрт кешкі 7-де әрең сөндірілді. Аптап ыстық пен күшті жел жер-жерде өрттің жиілеуіне сеп болды. Демалыс күндері қала мен Теректі, Бәйтерек, Ақжайық аудандарында жалпы көлемі 100 гектарға жуық орман өртенді. Сонша гектар құрғақ шөп отқа оранды. Кейбір ауданда жалын бой бермей, үш күннен кейін сөндірілді. Өңірде өрт қаупі әлі бар.