Жаңалықтарды Telegram арнамыздан оқыңыз!Павлодар облысында коронавирус жұқтырған 11 айлық сәбидің жансақтау бөлімінде жатқанына 10 тәуліктен асты. Аймақ бойынша 180 бала, оның 57-і стационарда ем қабылдауда. Негізі өңірде аурудың таралуы қарқын алып барады. Соңғы тәулікте 351 адамның дертке шалдыққаны мәлім болды. Ал, тұрғындар екпе салдыруға асығар емес. Бүгінгі күні вакцинаның 1-ші компоненті тұрғындардың 56 пайызына ғана егілген. Екінші компонентін алғандар саны әзірге тек 45 пайыз.
Ерғалы Асылбек, денсаулық сақтау басқармасы бөлім басшысының міндетін атқарушы:Жалпы, бүгінгі күні стационарлық емдеуде 1559 адам ем қабылдап жатыр. Төсек-орындардың жүктемесіне тоқталатын болсақ, 47,7 пайызды құрап отыр. Ал, реанимациялық бөлімде 111 науқастың жағдайы ауыр деп бағаланып отыр. Соның ішінде 24 адам өкпені жасанды желдету аппаратына қосылған. Реанимациялық төсек-орындардың жүктемесі 38,9 пайызды құрап отыр.
Болат Аманбаев
