Қызылжарлық полицейлер қан тапсырды - «Qazaqstan» Ұлттық телеарнасы

Қызылжарлық полицейлер қан тапсырды

17.04.2014
Қызылжарлық полицейлер қан тапсырды
Павлодар облысында жол апатынан зардап шеккендергеқызылжарлық полицейлер демеу білдіруде. Бүгін облыстық әкімшілік полиция қызметкерлері жол апатынан зардап шеккендер үшін қан тапсырды. 
 
Естеріңізге сала кетейік, Павлодар облысында шағын автобустың паровозға соғылуынан 4 бала қаза тапты, төртеуі жансақтау бөлімінде жатыр.
 
Теріскейлік полицейлер бұл оқиғаға бей-жай қалмай қолдарынан келгенінше көмектеспек. Бұл шараға тәртіп сақшылары бұйрықпен емес, өз қалаулары бойынша келген.
 
Білім Тасболатов, СҚО ІІД әкімшілік полиция қызметкері:
Әкімшілік полиция басқармасының қызметкерлері өз еркімен Павлодар облысында болған жол-көлік оқиғасында жарақаттанған балалар мен студенттер үшін қан тапсырдық. Қайтыс болған балалардың ата-аналарына, туған -туысқандарына көңіл айтамыз. Барлық жүргізушілерге жол жүру ережесін сақтауды ескертемін.
 
 
Сағындық СӘБИТҰЛЫ
 

Хабарламаларға жазылу