Жаңалықтарды Telegram арнамыздан оқыңыз!Ақтөбе облысында жол апатынан бір отбасының төрт адамы қаза тапты. Оқиға «Самара-Шымкент» тас жолында болған.
Ырғыз ауданының Қалыбай ауылы маңында NissanX-Trail автокөлігінің жүргізушісі қарсы бағытта келе жатқан қырғызстандық жүк көлігіне соғылған. Жан түршігерлік апаттың салдарынан жеңіл көліктің 39 жастағы жүргізушісі мен әйелі және 11 жастағы ұлы оқиға орнында көз жұмды. Он жастағы қызы мен 5 жастағы баласы аудандық ауруханаға жеткізілді. Өкінішке орай, кішкентайын да ажалдан арашалап қалу мүмкін болмады. Қазір «Абайсызда екі немесе одан да көп адамның өліміне әкеп соққан жол қауіпсіздігі ережесін бұзу» фактісі бойынша сотқа дейінгі тергеу басталды.
Жақсыбек Кемал
