Шығыс Қазақстанда жалған вакцина паспортын сатқан ер адам ұсталды

Шығыс Қазақстанда заңсыз жолмен вакцина паспортын жасаған ер адамның әрекеті әшкереленді.

Облыстық полиция департаменті баспасөз қызметінің мәлімдеуінше, 43 жастағы тұрғын бұрын істі болған. Жеңіл жолмен ақша таппақ болған алаяқ жалған құжатты 5 мың теңгеге сатып келген.Арнайы компьютерлік қосымшаның және фотошоптың көмегімен вакцина паспорттарын жасаған. Қазір сотқа дейінгі тергеу амалдары жүргізілуде.

Қайрат Әбдіғалиев,  облыстық ПД криминалдық полиция басқармасының бастығы: 

Қазіргі уақытта күдіктінің үстінен ҚК-нің 385 және 190-баптары бойынша сотқа дейінгі тергеу жүргізілуде. Жалған екпе төлқұжаттарын алу үшін барлық азаматтар анықталып жауап алынады.