Тараздағы инфекциялық аурухана 63 пайызға толды

Жамбыл облысында өткен аптада мыңға жуық адам коронавирус жұқтырды. Қазір, Тараздағы көпбейінді жұқпалы аурулар ауруханасы 63 пайызға толған. Онда ковидке шалдыққан 2260 адам ем алуда. Олардыңарасындағы 173 науқас жансақтау бөлімінде жатыр. Әйтсе де, денсаулық сақтау басқармасыныңбасшысы ауру жұқтыру көрсеткіші өткен аптаға қарағанда біршама азайғанын айтады. Емдеу мекемелерінде дәрі-дәрмек қоры да жеткілікті.

Әсет Қалиев, облыстық денсаулық сақтау басқармасының басшысы:

Бізде 3552 кереует жұмыс жасап тұр. Қазіргі таңда орын бар. Жеткілікті. Соңғы үш төрт күнде байқап отырмыз, стационарға жүгінетін науқастардың саны бірте-бірте азайып келе жатыр. Дәрі-дәрмектен проблема жоқ. Барлық дәрілер бар.