Қапшағай қаласында тәртіп сақшылары төбелес шығарды

Қапшағай қаласындағы дәмханалардың бірінде полиция қызметкерлері екі күзетшіні соққыға жықты. Оқиға қоғамдық тамақтану орнының бейнебақылау камерасына түсіп қалған. Тәртіп сақшылары «дәмхана жабылады, қайтыңыздар» дегенге көнбей тойлатуын жалғастырмақ болған. Сөзге келіп қалған олар екі қызметкерді сыртқа алып шығып, жабылып ұрған. Алматы облыстық полиция департаментінің басшылығы 4 полицейдің бұл ерсі қылықтарын тергеп-тексеру барысында қарастырып, нақты шешім қабылдамақ.

Ернар Сайділдин, облыстық полиция департаменті баспасөз қызметінің бас маманы:

Оқиғаға қатысушылардың барлығы анықталды. Аталған дерек бойынша ҚР ҚК 293 бабының 2-бөлігіне қатысты сотқа дейінгі тергеу басталды.

Қуаныш Қанатұлы