Теңіз мұнай кен орнында вахталық ауысым уақытша тоқтатылады

Атыраудағы Теңіз мұнай кен орны өндіріске қатысы жоқ жұмысшылардың вахталық ауысымын уақытша тоқтатты. Компания мұндай қадамға вирустың таралуын бәсеңдету үшін барып отыр. Өндірістік жұмыстар бірқалыпты жүре береді. Тек вахталық қалашықтарда карантиндік талаптар қатаңдатылады. Өткен тәулікте кеніштің 60 қызметкерінен індет анықталды. Зауыт аумағындағы инфекциялық стационарда 323 науқас емделіп жатыр. Соңғы мәлімет бойынша 45 мыңнан астам жұмысшы вакцинаның 1 компонентін алып үлгерген.

Жандос Темірғали