Жаңалықтарды Telegram арнамыздан оқыңыз!Елімізде алғаш рет өткен ауыл әкімдерін сайлауда бәсекелестік өте жоғары болды. Кей елді мекендерде бір орынға үш үміткер таласқан. Әлеуметтік зерттеу нәтижесі саяси додада Жамбыл, Шығыс Қазақстан облысының сайлаушылары 90 пайызға дейін қатысқанын көрсеткен. Мыңға жуық байқаушы қатысқан сайлауда заңбұзушылық тіркелмеген. Жалпы, еліміз бойынша 730 ауыл әкімі сайланды. Олардың 60 пайызы саяси партиялар атынан түскен.
Индира Ристина, ҚР Президенті жанындағы Қазақстан стратегиялық зерттеулер институтының саяси-әлеуметтік зерттеулер бөлімінің басшысы:
Қазіргі кезде біздің байқап отырғанымыз саяси партиялардың өкілдері көп дауыс алып кетті. Оның ішінде бүгінгі күні билік басында отырған партияның атынан шыққан үміткерлер ауыл әкімі болып сайланды. Соғңан қарамастан қазір 98 өз-өзін ұсынған үміткерлер саяси партияға қатысы жоқ үміткерлер республика бойынша ауыл әкімі болып сайланды.
