Ақтөбеде 35 мың га алқап зиянкестерден уланды

Ақтөбеде шалғын құрттар жайлаған алқаптар жаппай уланып жатыр. Бүгінге дейін 35 мың гектар жерге дәрі себілген. 52 шаруа қожалығы құрт қаптаған жерлерді өз күштерміен өңдеп жатыр. Жасыл желекті отаған дала зиянкестерінің ошағы қала аумағынан да анықталды. Тұрғындардан шағым түсе бастаған. 3 күннен бері мамандар қаладағы тұрғын үй алаптарының маңын қауіптілігі төмен химиялық дәрімен улауда. Шамамен 30 гектар жерді өңдеп үлгерді. Облыста арнайы құрылған штаб аумақтарды қазір қатаң бақылауда ұстап отыр. Жауын-шашыннан кейін пайда болған шалғын көбелектері аптап ыстыққа төзбейді, сондықтан күн райы ашық болса құрттардың таралуы бәсеңдейді дейді мамандар.