Есірткі таратқан екі жігіт ұсталды

Қарағанды облысының 23 және 25 жастағы екі тұрғыны Шығыс Қазақстан аймағында есірткі таратқаны үшін 15 жылға сотталуы мүмкін. Олар оңай жолмен ақша табу үшін Өскеменге арнайы барған. Ұсталғандардан синтетикалық есірткінің 800-ден астам дозасы тәркіленді. Полицейлердің айтуынша, бүгінде интернет арқылы сатылатын есіртіні белгіленген жерге тығып кету әдісі көп қолданылады. Бірақ, негізінен ең көп ұсталатын да осы курьерлер.

Руслан Кошкинчинов, облыстық полиция департаменті басқарма басшысының міндетін атқарушы: 

Ұсталғандар қамауға алынды. ҚР ҚК-нің 297-бабы 3-бөлігіне сәйкес сотқа дейінгі тергеу жүргізілуде. Ол бойынша 15 жылға дейін бас бостандығынан айыру жазасы көзделген.

Берік Көшербай