«Ауруханалар лезде толып жатыр»: Дәрігерлер елордалықтарға үндеу жасады

«Ауруханалар лезде толып жатыр». Елордалық дәрігерлер қазіргі жағдайға алаңдап, тұрғындарға үндеу жасады.

Бүгінде 40 адам өздігінен дем ала алмай, жасанды тыныс алу аппаратына қосылған. Реанимацияда - 260 науқас жатыр. Өткен тәулікте инфекциялық стационарларға 178 адам жатқызылды. Әр екінші науқасқа оттегі концентраторы қажет. Дәрігерлер вакцина алмаған, санитария талаптарын елемейтін, салтанатты іс-шараларға қатысқан науқастар көбіне ауыр жағдайда түсетінін айтып отыр. 

«Ал, екпе өзіңізді және жақындарыңызды қорғауға, ұжымдық иммунитетті қалыптастыруға мүмкіндік береді»,-дейді жұқпалы аурулар дәрігері Гүлбахыт Әдижанова.

Нысаналы Ығыл