Елордада Бекзат Саттарханов атындағы бокс залы ашылды

Елордада су жаңа бокс залы ашылды. Жеке кәсіпкерлер мен мемлекеттік органдар демеу көрсеткен залға бокстан Олимпиада чемпионы Бекзат Саттархановтың есімі берілді. Кешен бір күнде үш ауысымда 100-ге тарта балаларға жаттығуға мүмкіндік береді. Бұл осымен Бокс Федерациясы ашқан қаладағы үшінші бокс үйірмесі. Спорттық нысан Керей, Жәнібек хандар мен Мұғалжар көшелерінің қиылысында орналасқан.

Марат Мықтыбеков, Бокс федерациясының атқарушы директоры:
Бұл жерде ешқандай шектеу жоқ. Қазір көріп отырсыздар Қояндының балалары кеп, осы жерде жаттығу жасап жатыр. Қояндыдан осы жерге келіп, өздерінің жаттығу жұмыстарын жүргізіп жүр. Сондықтан да мынау қала бұл жерге жақын, қалаға қолайлы.