Түркістан облысында 34 тойхана жабылды

Жүргізуші: Түркістан облысында «Ashyq» бағдарламасы арқылы соңғы бір аптада 29 науқасқа қатысты әкімшілік шара қолданылды. Олар үй карантинін сақтамай, қоғамдық орындарға барған. Сондай-ақ, тәртіп бұзып жұмыс істеген нысандар мен жеке тұлғаларға 3 жарым мыңға жуық хаттама толтырылып, 200 млн теңгедей айыппұл салынды. Ал 34 тойхана бір айға жабылды. Осы уақытқа дейін 600-ге тарта отбасылық, мерекелік іс-шара тоқтатылған. Талапты орындамау салдарынан өңірде індет жұқтырушылар саны артып кетті дейді мамандар.

Бақтыораз Елемесов, облыстық санитарлық-эпидемиологиялық бақылау департаменті басшысының орынбасары: 
Өсу жағдайы 1040 жағдайға өсті. Ал, пневмония аурушаңдығы 213 тіркелген болса, сәйкесінше өткен екі аптада 319 жағдайға тіркелді. Яғни 106 жағдайға өсіп отыр. Ал, қатаңдату шаралары бойынша облыстың бас санитар дәрігері тиісті қаулыларды дайындау үстінде.

Айнұр Ақбаева