Қарағанды облысында мейрамханалардың жұмысы бейнебақылау камералары арқылы тексеріледі

Қарағанды облысында мобильді топтар мейрамханалар мен түнгі клубтарды енді бейнебақылау камерасы арқылы назарда ұстайды. Жедел әрекет ету орталығының мамандары бейнекамерадан ойын сауық орындарының маңайына адам көп жиналғанын байқаса, бірден мобильді топқа хабарлайды. Облыста қазір 3 мыңнан астам камера бар. Жезқазған, Сәтбаев, Осакаровка секілді қалалардағы халық көп шоғырланатын аумақтарға тағы 30-ы орнатылған. Өңірдегі мобильді топтар осы айда 20 мың нысанды тексерген, 104 адам айыппұл арқалапты.

Нариман Тілеуқабылов, диспетчер:
Қарағанды қаласының Оңтүстік Шығыс бөлігіне мен жауап беремін. Тойханалар арасында көп адам жиналатын нүктелерді қарап отырамын. Адам көп жиналған жерді біз Сенім орталығындағы әріптестерімізге мәлімдейміз. Олар өз жұмысын атқарады.