Германияда химиялық зауытта жарылыс болды

Германияда химиялық зауытта жарылыс болып, 2 адам қаза тапты. Жараланғандардың саны 31-ге жетіп отыр. Тағы бес кісі жоғалып кеткен. Қайғылы оқиға Леверкузен қаласында сейсенбі күні болды.

Өртті сөндіруге үш сағаттай уақыт кеткен. Жарылысқа не себеп болғаны әзірге белгісіз. Қазір тергеу жүргізіліп жатыр. Сонымен қатар, жергілікті полиция тұрғындарға есік-терезелерді жабуға кеңес беріп отыр. Өйткені, апат болған кәсіпорыннан тараған түтіннің құрамында денсаулыққа зиянды улы зат көп болуы мүмкін.

Арыстан Рысбек