Қазақстанда коронавирус жұқтырғандардың тәуліктік көрсеткіші жарияланды

Иа, елдегі эпидахуал өте күрделі. Коронавирустан қайтыс болғандар саны бойынша екінші күн қатарынан антирекорд тіркелді. Кеше 110 адам індеттен көз жұмды. Ал, қазір «жасыл» аймақта бірде-бір өңір жоқ. «Сары» аймақта Түркістан облысы ғана тұр. Қалған өңірлердің бәрі қауіпті деңгейде.

Кеше 6797 адамның вирус жұқтырғаны анықталса, вирустық белгілері бар пневмонияға 23 адам шалдыққан. Қазір 87 мыңнан астам тұрғын ем алып жатыр, 1461-і ауыр жағдайда. Инфекцияға қарсы вакцинаның 1-ші компонентін алғандар 5 млн 188 мыңнан асты.