УЕФА Еуропа чемпионатының финалын стадионнан 60 мыңнан астам адам тамашалай алады

Лондондағы әйгілі «Уэмбли» стадионына Еуропа чемпионатының жартылай финалы мен финалы кезінде 60 мыңнан астам фанат кіре алады. Мұны Британия үкіметі мәлімдеді. Жаңа ережеге сәйкес, шілденің 11-де аяқталатын үш матчтың барысында, бұл стадион кемінде 75 пайызға толуы керек. Ал, қолында билеті барлар оған кіру үшін вакцина алғаны туралы анықтамасын көрсетуі керек. Немесе қолында коронавирус тестінің теріс нәтижесін көрсететін қағазы болуы тиіс.

Айта кетейік, УЕФА шетелдік жанкүйерлер үшін карантиндік шектеулерді жеңілдету мәселесі бойынша/ корольдік басшылығымен келіссөз жүргізіп жатыр. Дегенмен, бұл мәселеге қатысты әзірге ешқандай өзгеріс жоқ.

Арыстан Рысбек