Байден Кремльге қатаң ескерту жасады

АҚШ президенті Кремльге қатаң ескерту жасады. Джо Байденнің мәлімдеуінше, Құрама Штаттар Ресеймен жанжалдасуға ұмтылып отырған жоқ. Алайда, Путин үкіметі зиянды істермен айналысуды жалғастыратын болса, Вашингтонның оған жауабы қатал әрі мақсатты болады. Мұны Байден Ұлыбритания әуе күштерінің Милденхоллдағы базасында қызмет етіп жатқан америкалық ұшқыштар алдында айтты.

Ақ үй басшысының Еуропаға 8-күндік сапары сәрсенбіде басталды. Ол «Үлкен жетілік» пен НАТО-ның саммиттеріне қатысып, маусымның 16-да Женевада Кремль басшысымен кездеседі.

Арыстан Рысбек