Батыс Қазақстанда шекарадан киік мүйізін алып өтпекші болған Өзбекстан азаматы ұсталды

11.04.2019

Батыс Қазақстанда шекарадан киік мүйізін алып өтпекші болған Өзбекстан азаматы ұсталды. 1970 жылы туған ер адамның қол сөмкесінен 148 дана мүйіз тәркіленді. Оқиға күндіз Қазақстан-Ресей шекарасының «Сырым-Авто» бекетінде болған.

Бұл дерек бойынша сотқа дейінгі тергеу басталды. Айта кетейік, өңірде бөкенді мүйізі үшін өлтіру оқиғасы тыйылмай тұр. Соңғы екі жылда заңсыз аң аулаушылар мемлекетке 1 млрд-тан астам теңге залал келтірді.

Болатбек Белгібеков, облыстық Полиция департаментінің баспасөз хатшысы:

Аталған факті бойынша Бәйтерек ауданының Приурал полиция бөлімі Қазақстан Республикасы ҚК-нің 339-бабы бойынша қылмыстық іс қозғады. Заңсыз киік аулау, жануарлардың мүйізін айналымға шығаруға жол бермеу үшін қазір облыс аумағында 1-30 сәуір аралығында «Ақбөкен» алдын алу іс-шарасы өткізілуде.

Ардақ МҰРАТҚЫЗЫ

Хабарламаларға жазылу