Лукашенко шеруге қатысқандарды түрмеге жабу туралы заңға қол қойды

Беларусь президенті Александр Лукашенко/ шерушілерді түрмеге жабу туралы заңға қол қойды. Енді рұқсат етілмеген демонстрацияларға қатысқандар/ 1 жылдан 3 жылға дейін сотталады. Мұндай үкімге негізінен заңсыз митингке екі рет барғандар ілігеді. Ал, қоғамдық тәртіпті өрескел бұзғандарға 3 жылдан 5 жылға дейін үкім кесіледі. Осыған дейін Беларусьте шеруде ұсталғандар айыппұл төлейтін немесе екі аптаға дейін қамауға алынатын. Лукашенко жаңа ережеге қатысты түсініктеме берген жоқ. Дегенмен, ол наурызда оппозицияға қатаң жауап беретінін ескертіп, кейін бұқаралық ақпарат құралдарын соттың шешімінсіз жабу туралы/ өзгертілген заңға қол қойған еді.

Арыстан Рысбек