Жаңалықтарды Telegram арнамыздан оқыңыз!«АрселорМиттал Теміртау» 1 миллиард 800 миллион теңге өтемақы төлейтін болды. Компания мен облыстық экология департаменті арасындағы дауға Жоғарғы сот осындай нүкте қойды. Өйткені наурыз айында кәсіпорында өндірістік апат болып, ауаға зиянды қалдықтар тараған еді. Сол кезде экология департаменті келтірілген залалды өндіру туралы нұсқама берген. Ізінше комбинаттағы 9 цехта жаппай тексеріс жүргізіліп, оларда да өрескел заңбұзушылықтар әшкере болған еді. Бірақ АрселорМиттал компаниясы өтемақы төлеуден бас тартып, сотқа жүгінген. Енді Жоғарғы соттың шешімімен өтемақыны төлеуге міндеттеліп отыр.
Досжан Маратұлы
