Қарағанды облысында «Спутник-V» вакцинасының екінші компоненті бірнеше күн көлемінде салынбайды

Қарағанды облысында «Спутник-V» вакцинасының екінші компоненті бірнеше күн көлемінде салынбайды. Себебі екпе препаратын қолдану үшін рұқсат құжаттары толық рәсімделіп бітпеген. Ал Араб және Қытай елінде шығарылған вакциналар жеткілікті.Жалпы өңірде 115 вакциналау кабинеттері және жылжымалы бекеттер жұмыс істеп тұр. Осы уақытқа дейін аймақта144 мыңнан астам адам екпенің бірінші, ал 70 мың тұрғын екі компонентін алып үлгерген.

Светлана Полуэктова, қала тұрғыны: 
Бізге қазір екінші компонент жоқ деді. Бастапқыда біріншісін алғанда міндетті түрде үш аптадан соң келу керектігімді ескерткен еді. Енді 45 күнге дейін жүруге болады дейді. Екі ұдай ойда жүрміз.

Татьяна Баширова, Қалалық алғашқы санитарлық көмек орталығының директоры: 
«Спутник-V» вакцинасының екінші компонентін пайдалану үшін рұқсат құжаттарын күтіп отырмыз. Біріншісін алған азаматтар міндетті түрде қамтылады. Алдағы екі-үш күнде мәселе толығымен шешіледі деп ойлаймыз. Тұрғындарға алаңдауға еш негіз жоқ. Себебі екпенің екінші бөлігін 45 күнге дейін алып үлгерсе болды. Азаматтар ауырып қалуы, сапарға шығып кетуі мүмкін ғой. Сондықтан 21-ден 45 күнге дейінгі уақыт әдейі қарастырылған.

Руслан Нұрланұлы