Жаңалықтарды Telegram арнамыздан оқыңыз!Мемлекет басшысы Дүниежүзілік банктің Еуропа және Орталық Азия бойынша вице-президенті Анна Бьердемен онлайн сөйлесті. Қасым-Жомарт Тоқаев Дүниежүзілік банктің еліміздегі бірқатар экологиялық жобаларға үлес қосқанын айтты. Атап айтқанда қаржы ұйымы «Сырдария өзенінің арнасын реттеу және Солтүстік Арал теңізін сақтап қалу» жобасының екінші кезеңіне 1,5 миллион доллар бөлді. Анна Бьерде ел Президентіне ризашылық білдіріп, Қазақстанда іске асып жатқан реформаларды қолдайтынын айтты.
Қасым-Жомарт Тоқаев, Қазақстан Республикасының Президенті:
Біз Дүниежүзілік банкпен арадағы көпжылдық серіктестікті жоғары бағалаймыз. Осы уақыт аралығында банк елімізге 6 миллиард доллардан астам инвестиция құйды. Қазіргі таңда сіздермен бірлесіп, әртүрлі 12 жобаны, атап айтқанда, көлік, білім беру, экология және қаржы салаларындағы бастамаларды жүзеге асырып жатырмыз.
Нысаналы Ығыл
