Лесхоз кентінде өрт толықтай сөндірілді

Төтенше жағдайлар министрілігінің мәліметінше, қазір Лесхоз кентінде қызыл жалын толықтай ауыздықталды. Таңертең тікұшақпен барлау жұмысы жүргізілді. Жақын маңдағы орманда үлкен өрт ошақтары жоқ. Тек, жекелеген учаскелерде ағаш діңгектері бықсып жатыр. Ведомство өкілдері өртті кешке қарай толықтай сөндіреміз деп отыр. Қазір материалдық шығындарды анықтап, өртенген үйлерді тексеру бойынша қалалық әкімдікте арнайы комиссия өз жұмысын бастады.

Талғат Уәли, ҚР ТЖМ ресми өкілі:
Егер ШҚО әкімдігі ТЖМ келтірілген шығынды өтеу туралы ресми ұсыныс жасайтын босла, ТЖМ мемлекеттік резервтен арнайы қаражат қарастыруға әзір.