Қазақстан халқы Ассамблеясының сессиясына әзірлік барысы талқыланды

Елбасы Нұр-Сұлтан Назарбаев Қазақстан халқы Ассамблеясы төрағасының орынбасарын қабылдады. Марат Әзілханов кездесу барысында еліміздегі этносаралық қатынастар саласындағы ахуал және Қазақстан халқы Ассамблеясының алдағы 29 сессиясына әзірлік туралы баяндады.

Сондай-ақ өңірлердегі Достық үйлерінің жұмысына баса көңіл бөлінді. Ал Тұңғыш Президент аймақтарда қоғамдық келісім мен жалпыұлттық бірлік бағытындағы мемлекеттік саясатты одан әрі жүзеге асыру үшін әкімдіктер мен Қазақстан халқы Ассамблеясының бірлескен жұмысының маңыздылығын атап өтті.

Досжан Маратұлы