Жамбыл облысында үш жасөспірімге оқ атылды - «Qazaqstan» Ұлттық телеарнасы

Жамбыл облысында үш жасөспірімге оқ атылды

20.04.2021

Жамбыл облысында үш жасөспірімге оқ атылды. Қазір олар облыстық көпбейінді ауруханаға жеткізілген. Жасөспірімдердің қазіргі жағдайын жамбылдан бізге тікелей қосылған әріптесім Сәбит Әлдебайдан сұрап білейік, Сәбит қайырлы күн. Оқиға қалай болған?

Сәбит Әлдебай, тілші:
Алдын ала мәлімет бойынша жасөспірімдер сөзге келіспей бір-бірін кездесуге шақырған. Шөлдала масивіндегі каналдың маңында тұрған балаларға үш автокөлік жақындап, белгісіз қарумен оқ жаудыра бастаған. Көптеген дене жарақатын алған балалар жедел ауруханаға жеткізілді.  Ал Дәрігерлердің айтуынша қазір үш баланың да жағдайы тұрақты, олардың өмірі мен денсаулығына аса қауіп жоқ. Қазір оларға қажетті барлық ем шаралары жүріп жатыр.  
Полиция департаменті мамандарының хабарлауынша,  қазіргі уақытта аталған факті бойынша сотқа дейінгі тергеу амалдары жүргізіліп жатыр. Сондай-ақ, полиция қылмысқа қатысты күдіктіні анықтап, қамауға алған. Мамандар тергеу құпиясына сәйкес басқа да ақпараттар жариялауға жатпайды деп отыр.  


Хабарламаларға жазылу