Ақмола облысында қызымен суретке түспек болған ер адам сарқырамаға құлап кетті

Суретке түспек болған әкесі мен қызы Ақмола облысындағы Үлгілі сарқырамасына құлап кетті. 

Ер адам мен оның 6 жасар қызын сол жерде суретке түсіп жүргендер құтқарып қалған. Олар Көкшетау қаласының тұрғындары. Екеуі де Зеренді ауданына қарасты ауруханаға барып тексерілген. Бала тек жеңіл жарақат алған. 

Дәулетхан Жұматаев, Зеренді аудандық ауруханасының хирург дәрігері:
Сенбіде сағат 16:00 шамасында 2015 жылы туған қызды алып келді. Оның жағдайы қанағаттанарлық. Тек мұрны мен үстіңгі ерні жарақаттанған. Миына, бас сүйегіне еш зақым тимепті. Тұрғылықты жері бойынша амбулаторлық ем қабылдауға жіберілді. 

Нысаналы Ығыл