Жаңалықтарды Telegram арнамыздан оқыңыз!Ұлттық экономика министрі Әсет Ерғалиев Мемлекет басшысына есеп берді. Президентке бірінші тоқсандағы экономикалық дамудың алдын ала қорытындылары, экономикалық өсімді қалпына келтірудің кешенді жоспарын іске асыру туралы баяндалды. Әсет Ерғалиев орта мерзімді перспективадағы экономиканың сапалы әрі орнықты дамуын қамтамасыз етудің жолдарын ұсынды.
Сондай-ақ, Президенттің шағын және орта бизнесті қолдау жөніндегі тапсырмасының қалай орындалып жатқанын айтты. Кездесу соңында Мемлекет басшысы министрге бюджет саясатының тиімділігін арттыруға, өңірлік саясатты жетілдіруге және өңдеу өнеркәсібін дамытуға бағытталған бірқатар тапсырма берді.
Досжан Маратұлы
