Жаңалықтарды Telegram арнамыздан оқыңыз!Елбасы «Самұрық-Қазына» ұлттық әл-аухат қорының басқарма төрағасы Алмасадам Сатқалиевті қабылдады. Ол Елбасына қордың былтыр және биыл бірінші тоқсанда атқарған жұмыстары туралы баяндады. Нұрсұлтан Назарбаев өз кезегінде қордың былтыр өндірісті тоқтатпай, жылды табысты аяқтап, активтердің 13,9 триллион теңгеге жеткенін, қысқа мерзімде шұғыл шара қабылдап, стратегиялық салаларды тұралатпай, керісінше қазынаға 870 миллиард теңге бөлгенін атап өтті. Өз кезегінде Сатқалиев қордың алдағы жұмыс жоспарлары туралы айтты.
Нұрсұлтан Назарбаев, ҚР Тұңғыш Президенті - Елбасы:
Мен «Самұрық-Қазына» басқарма кеңесінің төрағасы ретінде былтыр екі рет кеңес өткізгенмін. Онда қор басшылығына бірқатар нақты тапсырмалар жүктедім. Енді жаңа идеяларыңызбен соны іске асыру сіздің міндетіңіз.
