Бүгін – Жалпыұлттық аза тұту күні

Бүгін тұтас қазақ елі қара жамылды. Мемлекет басшысының өкімімен Маңғыстау облысында қызметтік міндеттерін атқару кезінде әскери қызметшілердің қазаға ұшырауына байланысты елімізде жалпыұлттық аза тұту күні жарияланды. Каспий теңізінде оқу-жаттығу кезінде төтенше жағдай болды. 14 сарбаз қаза тапты. Үш әскери қызметші құтқарылды. Кеше Мемлекет басшысы Қасым Жомарт Тоқаев опат болған әскерилердің отбасына көңіл айтып, шұғыл үкіметтік комиссия құруды тапсырған еді. Жағдай Президенттің жіті бақылауында. Қаза тапқан және зардап шеккен әскерилердің отбасыларына психологиялық, материалдық көмек көрсетуді жүктеді.