Карантин кезінде тұрмыстық зорлық-зомбылық деректері көбейді

Карантин уақытында тұрмыстық зорлық-зомбылық пробелмасы күшейе түсті. Өткен жылдың соңында мұндай қылмыс саны 4,7 пайызға өскен. Бұл туралы әкімшілік полиция комитеті төрағасының орынбасары Алексей Милюк айтты. Мұндай үрдіс қазір әлемнің барлық елінде болып жатыр. Дегенмен, соңғы 5 жылда әйелдер мен балалардың құқықтарын бұзатын қылмыстар саны екі есеге азайған. Тіркелген жалпы қылмыс санымен салыстырғанда отбасылық қылмыстың үлесі 1 пайыз шамасында ғана.

Алексей Милюк, ҚР ІІМ әкімшілік полиция комитеті төрағасының орынбасары: 
Тұрмыстық зорлық-зомбылық құрбандарының жартысынан астамы әйелдер. 6,4 пайызы кәмілетке толмаған балалар. Мұндай құқық бұзушылықтардың көбі мас күйде жасалады. Және тұрмыстық зорлық-зомбылыққа қатысты жауапқа тартылғандардың 80 пайызы еш жерде жұмыс істемейді.

Оңғар Алпысбайұлы