Жаңалықтарды Telegram арнамыздан оқыңыз!Шығыс Қазақстан облысындағы өзендерде мұз жарып жатыр. Бұл жұмыстар көктемгі сең жүру кезінде кептеліске жол бермейді.
Мамандар алдымен өңірдегі қауіпті орындарды анықтап алған. Тасқынға тосқауыл қою шаралары Шемонаиха және Бородулиха аудандарында басталды. Бұл аймақта Уба өзенінен қауіп бар. Ал мұз жару кезіндегі қауіпсіздікке аудандық төтенше жағдайлар бөлімінің қызметкерлері жауап береді. Кейбір жарылыстар жеке тұрғын үйлерге жақын жасалады. Сондықтан, арнайы әдіс қолданылады. Облыс бойынша өзендегі мұзды жару жұмыстары 7 ауданда жүргізілмек. Бұл үшін бюджеттен 198 миллион теңге бөлінген.
Берік Көшербай
