Қарағанды фармацевтикалық кешенінде шығарылған екпе салына бастады

Қарағандыдағы фармацевтикалық кешенде өндірілген вакцина өңірдегі медицина мекемелеріне жетіп, дәрігерлерге жаппай салынып жатыр. Осы күнге дейін 2150 адамға егілген. Алдағы сәрсенбіден бастап мұғалімдерге салына бастайды. Екпе кабинеттеріне ерікті түрде келіп жатқан дәрігерлер өте көп. Ақпан айының соңында «Гам-КОВИД-Вак» вакцинасының 93 мың дозасы өндіріліп, өңірлерге жөнелтіледі. Ал , наурыз айында фармацевтикалық кешенде 150 мың доза екпе шығару жоспарланған. Сәуірден бастап бұл көрсеткіш 600 мың дозаға жетеді. Осылайша, халықты коронавирусқа қарсы вакцинамен қамту кезең-кезеңімен жүзеге асады.

Әлімхан Бабахан, Медицина саласының қызметкері:
Бірініші вакцинаны 4 ақпан күні алдым, екінші этапты 21 күннен соң алдым. Ешқандай өзгеріс жоқ. Кішкене температура болды. Қатты көтерілген жоқ.

Руслан Нұрланұлы