Теміртауда ЖЭО-дағы 3 қазандық істен шықты

Теміртаудағы жылу энергия орталығындағы 6 қазандықтың 3-і істен шыққан. Қазір жөндеу жұмыстары жалғасуда. Бүгін кешкі сағат 18.00-де тағы бірі іске қосылмақ. Ал түнгі 23.00-де екіншісі жұмыс істей бастайды. Қала әкімі бұл келеңсіздік үшін тұрғындардан кешірім сұрап, тиісті деңгейде берілмеген жылу бойынша төлемақы қайта есептелетінін жеткізді. Қазір қалаға жылу энергия орталығының қалған үш қазандығымен жылу мардымсыз ғана беріліп тұр. Ал далада аяз күшейген. Ауа температурасы -25 градусқа дейін жетті.

Руслан Нұрланұлы