Елордада жазушы Сәбит Досановтың әдеби кеші өтті

Елордада жазушы Сәбит Досановтың әдеби кеші өтті. Жаны ақын, жалауы жыр Сәбит Досанов бүгінде 80-нен асты. Мемлекеттік сыйлық лауреаты және «Парасат» орденінің иегері. Тырнақалды туындысы «Қайырлы таң» очерктер мен әңгімелер жинағы 1966 жылы жарық көрді. Бұдан кейін «Соны іздер» әдеби-зерттеу еңбегі жарияланды. Жазушының «Жиырмасыншы ғасыр» эпопеясы өткен ғасырдың өмірбаяны. Ондағы кейіпкер XX ғасырдағы қазақ ұлты. Ұлттық портретті жалғастыра келіп, Сәбит Досанов «Жиырма бірінші ғасыр» жаңа эпопеясының екінші томында бүкіл әлемді жайлаған пандемия жөнінде де жазатынын айтты.

Фариза Мұсақызы