Жаңалықтарды Telegram арнамыздан оқыңыз!Маңғыстауда «Ақтау электр желілері басқармасы» мен «Абзал и компания-1» ЖШС-ның бұрынғы басшылары мен қызметкерлері аса ірі көлемде алаяқтық жасағаны үшін бас бостандығынан айрылды.
Олар мемлекетке 73 млн теңге шығын келтірген. Тергеу барысында коммуналдық мекеменің релелік қорғаныс қондырғысын ауыстыру үшін, мердігер компанияға мемлекеттік сатып алу келісім шарты бойынша 53 млн теңге, қосымша тағы 3 млн теңге аударғаны белгілі болды. Алайда, бұл қаражатқа ешқандай жұмыс жасалмаған. Осыған байланысты бірнеше қылмыстық іс қозғалып, нәтижесінде қос мекеменің басшылары 2 жылға, тағы 2 қызметкер 5 және7 жылға сотталды.
Аягөз Оралбайқызы
