Өңірлерде адам құқықтары жөніндегі өкіл болуы тиіс - Сарапшылар

Бүгін сарапшылар Президент жариялаған үшінші саяси реформалар пакеті бойынша талқылау өткізді. Қасым-Жомарт Тоқаев ұсынған басымдықтардың бірі – адам құқықтарын қорғау жайы болатын. Осы ретте әр салада қызметін жүргізе алатын омбудсмендерге қатысты бөлек заң қабылдануы тиіс екені айтылған. Мұның өзектілігін мамандар да қуаттап отыр. Бүгінде әлеуметтік құқықтан бөлек, көпшілік азаматтардың инвестициялық, бизнес құқығы да бұзылуда. Осылай деген сарапшылар өңірлерде адам құқықтары жөніндегі өкіл болуы тиіс екенін алға тартты.  

Жеміс Тұрмағамбетова, «Адам құқықтары үшін хартия» ҚҚ атқарушы директоры:
Омбудсменнің қазіргі кездегі атқаратын жұмыстары аздау деп санаймын. Ал көбейтіңкіресе, қасында өзінің адамдары болса сонда бірталай мәселені уақытында қарап, уақытында реакция беруге болады. 

Эльвира Әзімова, ҚР Адам құқықтары жөніндегі уәкіл:
Тәуелсіздік негізінде ол омбудсменнің жұмысына ең басты принцип. Ол ешқандай мемлекеттік органдарға, соттарға, прокуратураға, ешкімге бағынбайды. 

Нысаналы Ығыл