ШҚО-да қатты дауылдан бірнеше адам жапа шекті

Шығыс Қазақстан облысында кеше кешкісін болған қатты жел 35 ғимараттың шатырын жұлып әкеткен. Алдын ала ақпарат бойынша, дүлей дауылдан әсіресе Жарма, Ұлан және Глубокое аудандары зардап шекті. Өскемен қаласында да ағаштар құлап, бірнеше көлікті басып қалған. Ауруханаға 7 адам жеткізілген. Олардың бесеуі медициналық көмек алып, үйлеріне қайтты. Қалған екі адамның бірі 81 жастағы тыл ардагері Шерияздан Исанов қазір жансақтау бөлімінде жатыр. 

Жанболат САНИЯЗ