Қазақстанда алдағы үш күнде аяз болады

Қазгидромет 7-9 қаңтарға арналған ауа райы болжамын жариялады.

«Қазақстанның басым бөлігі бұрынғыдай суық антициклонның ықпалында болады, осыған байланысты жауын-шашынсыз аязды ауа райы сақталады. Тек батыста, елдің солтүстік-батысында фронтальды бөлімдердің әсерінен қар жауады. Республика бойынша кей жерлерде тұман түсіп, батыста жел күшейеді», - делінген хабарламада.