«Қарапайым заттар экономикасы» жобаларының саны 2600-ге жетті - «Qazaqstan» Ұлттық телеарнасы

«Қарапайым заттар экономикасы» жобаларының саны 2600-ге жетті

15.12.2020

«Қарапайым заттар экономикасы» жобаларын тиімді жүзеге асыру үшін мемлекет тарапынан кепілдікті ұлғайту қажет. Үкімет отырысында осылай деген Премьер-Министр Асқар Мамин жеңілдетілген несие беру бағдарламасына түзетулер енгізуді тапсырды. Ұлттық экономика министрлігі бұл бағыттағы жұмыстарды 1 ай ішінде дайындауы тиіс. Қазір жобаларды тиімді жүзеге асырып отырған аймақтар арасында Қостанай, Қарағанды, Шығыс Қазақстан, Алматы және Түркістан облыстары көш бастап тұр. «Бағдарлама отандық өндірісті дамытудың инвестициялық құралына айналды. Осыған байланысты Президент тапсырмасына сәйкес, оны қаржыландыру көлемі 1 трлн теңгеге дейін ұлғайтылды», - деді Үкімет басшысы.

Асқар Мамин, ҚР Премьер-Министрі:
Пандемияға қарамастан жоблар саны 900-ден 2600-ге жетіп 2,5 еседен астам өскенін көріп отырмыз. Ал олардың сомасы 3,5 есе артып, 216 млрд теңгеден 700 млрд теңгеге дейін жетті. Осы шараларды жүзеге асыру нәтижесінде жұмыс орындарының нәтижесі 20 мың болады деп жоспарланып отыр. 

Дарын Сағитов

Үкімет отырысы

Хабарламаларға жазылу